Yasamalda motosiklet piyadanı vurub - VİDEO

Respublika Təcili və Təxirəsalınmaz Tibbi Yardım Mərkəzinə 05.04.2025-ci il tarixində saat 19:00 radələrində Yasamal rayonu ərazisindən yol-nəqliyyat hadisəsinin baş verməsi səbəbilə çağırış daxil olub. Mərkəzdən Avtosfer.az-a verilən məlumata görə çağırış ünvanına dərhal təcili tibbi yardım briqadası cəlb olunub. Təcili tibbi yardım briqadası tərəfindən 2 nəfər (kişi cinsli) müxtəlif dərəcəli bədən xəsarətləri ilə Kliniki Tibbi Mərkəzə təxliyə olunub. Onların vəziyyəti ilə bağlı açıqlama verilməyib.

***

Bakının Yasamal rayonunda piyadanın vurulması ilə nəticələnən yol-nəqliyyatı hadisəsi baş verib.

Avtosfer.az xəbər verir ki, qəza Abbas Mirzə Şərifzadə küçəsində qeydə alınıb.

Belə ki, motosiklet sürücüsü idarəetməni itirərək yolu keçən piyadanı vurub.

Nəticədə piyada ağır xəsarət alıb. Qəza nəticəsində motosiklet sürücüsü də xəsarət alıb.

Əraziyə təcili tibbi yardım maşını və polis əməkdaşları cəlb edilib.

Hər iki şəxs təcili tibbi yardım avtomobili ilə xəstəxanaya çatdırılıb.

Faktla bağlı araşdırma aparılır.