Yol polisi əməkdaşı qanun pozan motosikletçini belə yaxaladı - VİDEO

Yol polisi əməkdaşı əli ilə qanunu pozan motosikletçini saxlayıb.

Avtosfer.az xəbər verir ki, Barnaul şəhərində baş verən hadisənin görüntülərini Rusiya Daxili İşlər Nazirliyinin Altay diyarı üzrə Baş İdarəsi yayıb.

İdarədən bildirilib ki, aprelin 8-də axşam saatlarında xidmətdə olan yol polisi əməkdaşları motosiklet sürücüsünün sənədlərini yoxlamaq üçün ona “Saxla” əmrini veriblər. Lakin, o, buna məhəl qoymayaraq qaçmağa cəhd edib. Bundan sonra polis inspektorlarından biri yayınmağa çalışan motosikletçini qaçaraq təqib edib və bir-neçə metr sonra onu motosiklet qarışıq yerə yıxaraq yaxalayıb.

Hadisəni törədən şəxsin 15 yaşlı oğlan olduğu üzə çıxıb. Motosiklet xüsusi dayanacaqda yerləşdirilib. Ona qarşı müvafiq qaydada protokol tərtib edilib.

Namiq Musayev