Yol polisini ələ salan bloqer axtarılır - VİDEO

Dağıstanda yol hərəkəti qaydalarını kobud şəkildə pozaraq digər hərəkət iştirakçılarının həyatını təhlükəyə atan bloqer axtarılır.

Avtosfer.az xəbər verir ki, yerli bloqer Şamil Kərimov etdiyi hərəkətlərini qeydə alaraq sosial şəbəkə hesabından paylaşıb.

Belə ki, bloqer yolda xidmət aparan yol polisi əməkdaşını görüb və onlarla öz aləmində “əylənmək” istəyib. O, idarə etdiyi avtomobilin sükanı arxasına alüminium qutulardan hazırlanmış manikeni əyləşdirərək nəqliyyat vasitəsini hərəkətə gətirib.

Bu zaman yol polis əməkdaşı avtomobilə saxla əmri verib, lakin maşını saxlayan olmayıb.

Ardınca polis əməkdaşı avtomobili təqibə başlayıb.

Dağıstan Daxili İşlər Nazirliyinin mətbuat xidmətindən bildirilib ki, hazırda polis əməkdaşları qayda pozan şəxsin şəxsiyyətini müəyyənləşdirir və saxlanılması üçün tədbirlər görür.

Namiq Musayev