Yolda iki sürücünün mübahisəsi; biri digərini bir yumruqla yerə sərdi - VİDEO

Rusiyanın Velikix Lukax şəhərində iki sürücü arasında baş verən davanın görüntüləri sosial şəbəkədə yayımlanıb. Avtosfer.az xəbər verir ki, insident ötən gün Xolmsk küçəsində qeydə alınıb.

Kadrlarda, naməlum səbəblərdən iki sürücünün sözlü mübahisə etdikləri, biri digərinə nalayiq sözlər dediyi və bundan əsəbiləşən “Audi”nin sürücüsü də ona yumruqla cavab verdiyi görülür. Bundan sonra o, aldığı zərbənin təsirindən yerə yıxılır.

Hadisə zərərçəkənin xanımının gözü qarşısında baş verib. Elə görüntüləri də o mobil telefon vasitəsi ilə qeydə alıb.

Bildirilir ki, artıq xuliqanlıq edən sürücü barəsində polisə məlumat verilib. “Audi”nin sahibi bölməyə çağırılaraq izahatı alınıb. Digəri isə xəstəxanada müayinədən keçir.

Namiq Musayev