Yük maşını ilə yarışan “Lexus” sürücüsü öz ölümünə səbəb oldu - VİDEO

Rusiyanın Soçi şəhərində öz ölümünə səbəb olan sürücünün görüntüləri təhlükəsizlik kamerasına düşüb. Avtosfer.az yerli KİV-ə istinadən xəbər verir ki, insident ötən gün axşam saatlarında А-148 avtomagistralı üzərində yerləşən 4 saylı tuneldə qeydə alınıb.

Kadrlarda yol nəqliyyat işçilərinin tuneldə iş apardıqları, girişdə bununla bağlı xəbərdaredici yol nişanının da qoyulduğu və yük maşını ilə yarışan “Lexus” markalı avtomobil görülür. Sürətlə hərəkət edən “Lexus” əvvəlcə yol nişanını vurur, sonra isə əks zolaqda iş aparan ağır tonnajlı maşına çırpılır.

Nəticədə “Lexus”un sürücüsü aldığı xəsarətlərdən hadisə yerində dünyasını dəyişib.

Bildirilir ki, iki maşından başqa, daha 2 nəqliyyat vasitəsi də zərər görüb.

Namiq Musayev