Bir neçə sərnişin üçün bron edərkən biletlər niyə baha olur : necə qənaət edə bilərik?

Sərnişinlər iki və daha çox nəfər üçün aviabilet bron edərkən maraqlı hadisə ilə qarşılaşa bilərlər. Məsələn, bir səyahətçi üçün axtarırsınızsa, biletin qiyməti 100 dollar, ikisi üçün isə 200 dollar deyil, 300 dollardır.

Hər şey rezervasiya sistemlərində nöqsanların olması ilə bağlıdır. Bu vəziyyət həm aşağı büdcəli aviaşirkətlərə, həm də ənənəvi aviaşirkətlərə aiddir. Məsələn, sistemdə 100 dollarlıq cəmi bir bilet qalıbsa və növbəti biletin qiyməti 150 dollardırsa, sistem eyni vaxtda iki bileti daha yüksək tariflə hesablayacaq. Buna görə də son nəticədə siz 250 dollar (100 dollar + 150 dollar) deyil, 300 dollar qiyməti görəcəksiniz.

Belə bir vəziyyətdə qənaət etmək üçün aviabiletləri ayrıca bron etmək lazımdır.

Buna görə də, bir neçə nəfər üçün bilet sifariş etməzdən əvvəl həmişə onun bir sərnişin üçün nə qədər olduğunu yoxlayın.

Üç və ya daha çox şəxs üçün bron edirsinizsə, əvvəlcə bir, sonra üç biletin qiymətini yoxlayın. Adambaşına düşən baza qiyməti qalxmazsa, hər kəs üçün birdən-birə aviabilet bron edin.

Yeri gəlmişkən, tez-tez axtarış aparsanız, bəzi aviaşirkətlər və bilet axtarış sistemləri bilet qiymətlərini qaldıra bilər. İşarələməni "sıfırlamaq" üçün başqa cihazdan və ya anonim brauzer rejimində daxil olmalısınız.

Mənbə: Aviatravel.az