Dayanma-durmanı qadağan edən nişan bu sürücülərə aid deyil - QAYDALAR

Dayanma-durmanı qadağan edən nişan bütün nəqliyyat vasitələrinin dayanmasını qadağan edir. Lakin qanunvericilikdə bəzi istisna hallar var ki, həmin hallar bəzi sürücülərə şamil olunmur.

Nişan hansı sürücülərə şamil olunmur və bu hansı hallardır?

Qeyd edək ki, yol nişanları sırasında əlavə məlumat nişanları var. Bu nişanlardan biri də 7.18 lövhəciyidir (əlillərdən başqa lövhəciyi).

7.18 lövhəciyi dayanma durma qadağandır nişanı ilə (3.27 nişanı) birgə tətbiq edildikdə, l və ll qrup əlilləri həmin nişanın təsiri sahəsində avtomobili park edə bilər. Həmçinin, müstəqil tətbiq edilmiş durma qadağandır nişanı (3.28 nişanı) l və ll qrup əlillərinə şamil olunmur. Lakin l və ll qrup əlil olan sürücü həmin üstünlüklərdən yararlanmaq üçün müvafiq nəqliyyat vasitəsində (l və ll qrup əlillər üçün xüsusi avadanlıqlar quraşdırılmış, onlar tərəfindən idarə olunan və qeydiyyat şəhadətnamsəində bu barədə müvafiq qeyd olan) “Əlil” tanınma nişanını mütləq quraşdırmalıdır.

Şəfa