Maşının arxa şüşə silgəcini çıxaran sürücü cərimələnə bilərmi? - İZAH

Avtomobilin konstruksiyanın vacib elementlərindən biri də şüşə yuyanlar və şüşə silgəcləridir. Şüşə yuyanlar və şüşə silgəcləri əsasən avtomobilin ön hissəsində olur. Lakin hetcbek tipli avtomobillərin arxa hissəsində də şüşə silgəcləri olur. Bəzən sürücülər arxadakı silgəcləri çıxartıqları üçün yol polisi tərəfindən cərimələnirlər.
Arxa şüşə silgəclərinin çıxarılmasına görə sürücü məsuliyyətə cəlb edilə bilərmi?

"Yol hərəkəti haqqında" qanunun 1 saylı əlavəsinin IV hissəsində yalnız qabaq şüşənin şüşə silgəcləri və şüşəyuyanlarının olması məcburi hesab edilir. Arxa şüşə silgəclərinin olması məcburi hesab edilmədiyi üçün, onu çıxaran sürücü məsuliyyətə cəlb edilə bilməz.

Orxan