Yol polisi at arabasını saxlayıb sürücüyə cərimə yaza bilərmi?

Bəziləri yol hərəkəti iştirakçıları dedikdə yalnız sürücü və piyadaları başa düşür. Amma qanunda at arabasını da düşgün idarə etmədikdə yol polisi həmin şəxsi cərimələyə bilər. Belə ki, inzibati Xətalar Məcəlləsinin 338.5.3-cü maddəsində deyilir ki,  işıq əks etdirən qurğularla təchiz edilməmiş at arabalarının (kirşənin) sürülməsinə görə şəxs 40 manat məbləğində cərimə olunur. Yəni, at arabası belə müvafiq işıq cihazları ilə təhciz edilməlidir. Çünki xüsusilə günün qaranlıq vaxtlarında bu digər yol hərəkəti iştirakçıları üçün təhlükə mənbəyinə çevrilir.

Məcəllənin 338.5.4 və 338.5.5-ci maddəsində qeyd olunur ki, at arabalarını (kirşəni) idarə edərkən svetoforun və ya nizamlayıcının işarələrinə, yaxud yol nişanlarına və ya yol nişanlanması tələblərinə riayət edilməməsinə, at arabasını (kirşəni) sutkanın qaranlıq vaxtı və ya məhdud görünmə şəraitində dəmir yollarından, yolların bu məqsəd üçün xüsusi olaraq ayrılmayan yerlərindən keçirilməsinə görə, qırx manat məbləğində cərimə edilir.

Həmçinin bu yol hərəkəti iştirakçıları tərəfindən alkoqol, narkotik vasitələr, psixotrop maddələr və ya güclü təsir göstərən digər maddələrdən istifadə olunması nəticəsində sərxoş vəziyyətdə törədilməsinə görə, yetmiş manat məbləğində cərimə olunur.

Orxan Əli