Yol qəzaları niyə artıb? - Hüquqşünasdan AÇIQLAMA

"Son 2 günün statistikasına əsasən, ölkənin avtomobil yollarında cinayət sayılan 5 yol-nəqliyyat hadisəsi baş verib, nəticədə 6 nəfər ölüb, 3 nəfər xəsarət alıb. Şübhəsiz ki, belə ağır nəticə ölkəmizin xeyli yerində yağış, sulu qar və qar yağması ilə də bağlıdır."

Avtosfer.az xəbər verir ki, bunu hüquqşünas Ərşad Hüseynov deyib. "Tez-tez soruşurlar ki, avtomobillərimiz, yol təsərrüfatımız qışa hazırdırmı? Amma ununtmamalıyıq ki, qışa ilk növbədə insanlar özləri hazır olmalıdırlar. Sözün geniş mənasında: sürücü qarda-buzda sürmə bacarığı və avtomobilini belə şərait üçün sazlamaqla; yol təsərrüfatına məsul olanlar öz bacarıq və vərdişlərini, texnikalarını qışa uyğunlaşdırmaqla və s. İnsan məsuliyyətlidirsə, üzünü də, texnikasını da, işini də hər cür şəraitə hazır edəcək."