Zəncirvari qəzadan necə xilas olmaq olar? - TÖVSİYƏLƏR
Öyrənək 5 Fevral 2022 19:46 Oxunub 1162
Zəncirvari qəzadan necə xilas olmaq olar? - TÖVSİYƏLƏR

Avtosfer.az zəncirvari qəza və arxadan vurmadan yayınmaq üçün kiçik tövsiyələri təqdim edir:

1. Avtomobilinizi tanıyın. Qəfil dayanma zərurəti yaranarsa avtomobilinizin əyləc məsafəsini nəzərə alaraq qarşıdakı maşınla ara məsafəsi saxlayın.

2. Bu məsafə kifayət qədər böyük olarsa və sizinlə öndəki avtomobilin arasına başqa maşın keçərsə təmkininizi pozmayın, onunla da eyni məsafəni qoruyun. Vacib olan təhlükəsizlikdir.

3. Çalışın tək önünüzdəki yox, onun da önündəki avtomobili görün. Qarşıdakı 2-3 avtomobili görmək hadisələrə vaxtında reaksiya verməyinizə kömək edəcəkdir.

4. Mütəmadi olaraq güzgüyə baxın. Arxanızdakı maşının sizə çox yaxın sürdüyünü düşünürsünüzsə sizi ötüb uzaqlaşmasına şərait yaradın.

5. Sürətinizi hava və yol şəraiti, həmçinin görmə məsafəsinə uyğun nizamlayın.

6. Avtomobilinizin sazlığına diqqət edin. Xüsusilə əyləc və təkərlərin vəziyyəti həyati əhəmiyyətlidir.

7. Tıxac vaxtı tələsməyin, tez-tez zolaq dəyişməyin, manevrlərdən çəkinin. Onsuz da ciddi nəticə əldə etməyəcəksiniz.

8. Sıxlıq vaxtı adətən ən çox yüklənən zolaq sol zolaqdır. Qəzaların da əksəriyyəti sol zolaqda baş verir. Unutmayın, ən təhlükəsiz zolaq orta zolaq, ən təhlükəsiz sürət axının sürətidir.

Yolunuz açıq olsun. Özünüzü qoruyun.

Nazim

ŞƏRH YAZ
Ad

E-mail

Şərh