Ara küçədən çıxan motosikletçi az qala maşına çırpılacaqdı - VİDEO

Paytaxtın Mirzəağa Əliyev küçəsində qayda pozan motosikletçi kameraya düşüb. Avtosfer.az-ın məlumatına görə, hadisə noyabrın 24-də saat 23:06 radələrində qeydə alınıb.

Videodan göründüyü kimi, ara küçədən çıxan motosiklet sürücüsü yola diqqət etmədən hərəkət edib. Nəticədə o, sol tərəfdən hərəkətdə olan avtomobilə təhlükə yaradıb. Xoşbəxtlikdən görüntünü qeydə alan sürücü onu vaxtında görərək sola manevr edərək qəzanın qarşısını alıb.

Hadisə göstərir ki, sürücülər yol hərəkəti qaydalarına riayət etməli, xüsusilə ara küçələrdən yola çıxarkən öncə avtomobillərin hərəkət trayektoriyasını yoxlamalı, sürətini azaldıb manevr etməlidirlər. Qanunvericiliyə görə, yolun hərəkət hissəsinə çıxan hər bir sürücü digər yol istifadəçilərinin təhlükəsizliyini təmin etmək öhdəliyi daşıyır. Diqqətsizlik və qayda pozuntusu cərimə ilə yanaşı, ciddi qəza riskini də artırır.

Nərmin