Avtobusu yolayrıcında saxlayıb sərnişin düşürən sürücü hərəkəti əngəllədi - VİDEO

Paytaxtın Sabunçu rayonu, Ramana qəsəbəsi, Gülçülük savxozu ərazisində qayda pozan sürücü görüntülənib.

Avtosfer.az-ın məlumatına görə, hadisə yanvarın 21-də saat 18:29 radələrində qeydə alınıb.

Videodan görünür ki, 166 nömrəli müntəzəm marşrut xətti üzrə hərəkət edən “Daewoo” markalı avtobusun sürücüsü yolun ortasında dayanaraq sərnişinləri mindirib-düşürüb. Nəticədə o, yolayrıcına daxil olmaq istəyən digər avtomobillərin hərəkətinə əngəl yaradıb və sərnişinlərin təhlükəsizliyini risk altına qoyub.

Xatırladaq ki, avtobus sürücüləri yalnız təyin olunmuş dayanacaqlarda dayanmalı, sərnişinləri yolayrıcılardan və hərəkət zolaqlarından kənarda mindirib-düşürməməlidirlər. Bu, həm yol hərəkətinin təhlükəsizliyini təmin edir, həm də sərnişinlərin həyatını qoruyur.

Nərmin