Binəqədidəki bu piyada keçidləri sürücülərə “xidmət edir” - FOTO

Paytaxtın Binəqədi rayonu, Abay Kunanbayev küçəsində (Beynəlxalq universitetin qarşısı) sürücülər kütləvi şəkildə qayda pozurlar. 

Bu barədə sürücülük təlimçisi Arzu Babazadə Avtosfer.az-ın “Whatsapp” ünvanına fotoşəkillər göndərib. Müxtəlif vaxtlarda qeydə alınmış fotolardan da göründüyü kimi, sözügedən küçədə salınmış piyada keçidləri sürücülərin parkinq zonasına çevrilib. Belə ki, 99-JD-986 dövlət nömrə nişanlı “Hyundai” markalı, 77-EL-207 dövlət nömrə nişanlı “Lada” markalı və 99-SG-088 dövlət nömrə nişanlı “Hyundai” markalı avtomobillərin sürücüləri dayanma-durma qaydalarını pozublar. Nəticədə onlar keçiddən istifadə edə bilmədikləri üçün ondan kənarda yolu keçməli olurlar. Bu isə piyadaların vəhəyatını riskə atır.

Arzu Babazadənin sözlərinə görə, qeyd olunan ərazidə demək olar ki, hər gün eyni mənzərə yaşanır. 

Nərmin