“BMW”ni avtobus dayanacağında park edib sürücü və sərnişinlərə çətinlik yaratdı - VİDEO

Paytaxtın Tbilisi prospektində (“20 Yanvar” dairəsi yaxınlığında) qayda pozan sürücü görüntülənib.

Bu barədə izləyicilərdən biri Avtosfer.az-ın “Whatsapp” ünvanına videomaterial göndərib. Belə ki, 99-XX-636 dövlət nömrə nişanlı “BMW” markalı avtomobilin sürücüsü avtobus dayanacağını zəbt edib. Şikayətçinin sözlərinə görə, telefonla danışan sürücü maşını dayanacaqda park etdikdən bir müddət sonra ərazidən uzaqlaşıb. Nəticədə avtobus sürücüləri zolağa daxil ola bilmədikləri üçün yolun hərəkət hissəsində saxlayaraq sərnişin mindirib-düşürüblər. Eyni zamanda avtobusa minmək istəyən sərnişinlər də çətinlik çəkiblər.  

Qeyd edək ki, qanunvericiliyə əsasən sürücülər avtomobillərini avtobus dayanacağından 15 metr kənarda saxlaya bilərlər. 

Nərmin