Bu binanın həyətində sürücülər sakinlərin canını boğaza yığıb - VİDEO

Binanın həyətində parklanma qaydasını pozan sürücülər barəsində bir neçə sakin redaksiyamızın qaynar xəttinə şikayət ünvanlayıb. Avtosfer.az xəbər verir ki, hadisə Xırdalan şəhəri, Mehdi Hüseynzadə küçəsində yerləşən binaların birinin həyətində qeydə alınıb.

Belə ki, 77-TH-832 qeydiyyat nişanlı "Toyota" markalı, 77-FS-504 və 77-XU-521 qeydiyyat nişanlı "Toyota Prius" markalı avtomobillərin sürücüləri blokun girişində parklanma ediblər. Bu səbəbdən sakinlərin giriş-çıxışı məhdudlaşıb. Hətta sürücülərin ikisi blokun qarşısına qoyulmuş plastik maneəni əzərək daha da kobud davranış nümayiş etdiriblər.

Qeyd edək ki, bu hadisə artıq hər gün baş verir. Sakinlər bu həyətə xüsusi nəzarət edilməsini xahiş edir.

Fərid