Dönmə işığını yandırıb zolaqdan-zolağa keçən sürücü - 99-LO-210 - VİDEO

Paytaxtın hava limanı yolunda qayda pozan sürücünün görüntüsü avtomobilin kamerasına düşüb.

Avtosfer.az-ın məlumatına görə, hadisə bir müddət əvvəl səhər saatlarında qeydə alınıb. Kadrdan da göründüyü kimi, 99-LO-210 dövlət nömrə nişanlı “Geely MK” markalı avtomobilin sürücüsü manevr qaydasını pozub. Belə ki, o, hərəkətdə olduğu zolaqdan birbaşa ən sol zolağa keçid edib və görüntünü qeydə alan sürücüyə qəza riski yaradıb. Lakin qayda pozan sürücü bununla kifayətlənməyərək yenidən sağ zolağa manevr edib. 

Təəssüf ki, bəzi sürücülər dönmə işığını yandıraraq istənilən halda manevr edə biləcəklərini və belə etdikdə xəta törətmədiklərini düşünürlər. Lakin bu qanunvericiliyə əsasən qayda pozuntusu hesab olunur. Manevr etmək istəyən sürücü keçid edəcəyi zolağın boş olduğuna və digər nəqliyyat vasitələrinə təhlükə yaratmadığına əmin olduqda bu əməliyyatı icra edə bilər. 

Nərmin