“Ərim gəlsin” deyən sərxoş qadın sürücü yol polisinə yalvardı - 500 manat cərimələndi - VİDEO

Sərxoş vəziyyətdə yaxalanan qadın sürücü cərimələnməmək üçün polislərə yalvarıb. Avtosfer.az xəbər verir ki, Türkiyənin Bursa bölgəsində baş verən hadisə kameraya düşüb.

Hər bir yol nişanı hərəkətin təhlükəsizliyinə xidmət edir - Rövşən Tağıyev

Belə ki, Bursa Vilayət Polis İdarəsinin Yol Polisi Şöbəsinin əməkdaşları Osmanqazi rayonunun mərkəzindəki Altıbarmaq məhəlləsində keçirdikləri reyd zamanı şüphələndikləri bir avtomobili saxlayıblar. Sürücünün F.M. adlı qadın olduğu müəyyən edilib. Yol polisi onun avtomobildən enməsini istəsə də, qadın etiraz edərək “Ərim gələnə qədər maşından düşməyəcəyəm” - deyib.

Bir müddət polisə əməkdaşının səbrini imtahana çəkən qadın sonunda alkotesterə üfləməyə razılaşıb.

Qaydaları kobud şəkildə pozan 15 yaşlı gənc 4900 manat cərimələndi - VİDEO

Yoxlama zamanı qadın sürücünün 1,45 promil sərxoş olduğu müəyyən olub. Bundan sonra qadın “Xahiş edirəm məni buraxın, heç bir tədbir görməyin. İlk dəfədir ki, sərxoş vəziyyətdə maşın sürürəm" deyərək polis əməkdaşlarına yalvarıb. 

Sonda əməkdaş onu sərxoş vəziyyətdə maşın sürdüyünə görə 500 manat cərimələyib, bundan başqa sürücülük vəsiqəsi də 6 aylığına əlindən alınıb.

Sözügedən reydən olan həmin anların anbaan videosunu təqdim edirik:

Namiq Musayev