Güzgünü “unudan” “Prius” sürücüsü qəzadan son anda yayındı - VİDEO

Paytaxtın Nərimanov rayonu, Fətəli xan Xoyski küçəsində qayda pozan sürücü avtomobilin videoregistratoruna düşüb.

Avtosfer.az-ın məlumatına görə, hadisə yanvarın 9-da saat 22:50 radələrində qeydə alınıb. Kadrlardan göründüyü kimi, 99-OB-194 dövlət nömrə nişanlı “Toyota Prius” markalı avtomobilin sürücüsü manevr qaydasını pozaraq təhlükəli vəziyyət yaradıb. Belə ki, ara küçəyə daxil olmaq istəyən sürücü sağ zolaqda hərəkətdə olan nəqliyyat vasitəsinə məhəl qoymadan zolaq dəyişməyə cəhd edib və bu zaman videonu qeydə alan sürücünün hərəkətinə təhlükə yaradıb. Xoşbəxtlikdən qəza baş verməyib.

Qeyd edək ki, görüntülər sosial şəbəkələrdə müzakirələrə səbəb olub. Müzakirələr zamanı sürücü qayda pozan şəxsin manevr edərkən onu gördüyünü, buna baxmayaraq hərəkətini davam etdirdiyini bildirərək davranışını əsaslandırmağa çalışıb.

Nərmin