Həm düzgün manevr etmədi, həm də sağdan gələnlərə qəza şəraiti yaratdı - VİDEO

Bakıda manevr qaydasını kobud şəkildə pozan sürücü qəza şəraiti yaradıb. Avtosfer.az xəbər verir ki, hadisə iyulun 30-da, paytaxtın Babək prospektində qeydə alınıb. Belə ki, 90-CC-799 qeydiyyat nişanlı "Toyota" markalı avtomobilin sürücüsü geriyə dönmə yerində düzgün manevr etmədiyi üçün bütöv xəttin tələbini pozaraq digər zolağa keçib. Bu azmış kimi, görüntünü qeydə alan avtomobilin gəldiyini görsə də hərəkətinə davam edib. Təhlükə ilə üzləşən sürücü sağa manevr edərək qəzadan yayınıb.

Qeyd edək ki, Babək prospektindəki geriyə dönmə yerlərində əksər sürücülər radiusu düz seçmədiyi üçün bu cür təhlükələrə səbəb olurlar.

Fərid