Hövsanda 6 yaşlı uşağı sükan arxasına keçirib lentə aldılar - VİDEO

Paytaxtın Suraxanı rayonu, Hövsan qəsəbəsində azyaşlının avtomobil idarə etməsi ilə bağlı görüntü yayılıb.

Kadrdan göründüyü kimi, 90-MY-135 dövlət nömrə nişanlı “Azsamand” markalı avtomobil azyaşlı tərəfindən idarə olunur. Avtomobilin sahibi bu anları mobil telefonla çəkərək sosial şəbəkə hesabında paylaşıb. O, videoya “Baxmayın, “Azsamand” sürürəm. Mən də milyonerəm, belə qardaşım oğlu var” qeydini əlavə edib.

İddialara əsasən, uşağın 6 yaşında olduğu bildirilir.

Xatırladaq ki, Azərbaycan Respublikasının qanunvericiliyinə əsasən, nəqliyyat vasitəsinin idarə edilməsi yalnız müvafiq yaş həddinə çatmış və sürücülük vəsiqəsi olan şəxslərə icazə verilir. Azyaşlıların sükan arxasına buraxılması həm onların, həm də digər yol hərəkəti iştirakçılarının həyatı üçün ciddi təhlükə yaradır və inzibati məsuliyyət doğurur.

Nərmin