İki qatar toqquşdu - 17 nəfər xəsarət aldı

ABŞ-nin Nyu-Cersi ştatında iki qatarın toqquşması nəticəsində 17 nəfər xəsarət alıb. Avtosfer.az xarici mediaya istinadən xəbər verir ki, bu barədə "New Jersey Transit" korporasiyasının nümayəndəsi bildirib. "Cümə günü axşam Monkler-Bunton xəttində iki qatar toqquşub", - məlumatda qeyd edilib. Qəza nəticəsində 17 nəfər yüngül xəsarətlər alıb. Hazırda Nyu-Cersi nəqliyyat şirkətinin polisi hadisənin baş vermə şəraitini araşdırır. Qəzanın səbəbləri hələ müəyyən edilməyib. Monkler-Bunton xəttində qatarların hərəkəti müvəqqəti olaraq dayandırılıb.