Maşını düz dayanacağın qarşısında park edib sürücü və sərnişinlərə çətinlik yaratdı - VİDEO

Paytaxtın Xətai rayonu, İlqar Zülfüqarov küçəsində qayda pozan sürücü görüntülənib.

Bu barədə izləyicilərdən biri Avtosfer.az-ın “Whatsapp” ünvanına videomaterial göndərib. Xoşagəlməz mənzərə avqustun 6-da saat 08:05 radələrində qeydə alınıb. Kadrdan da göründüyü kimi, 77-DQ-948 dövlət nömrə nişanlı “KIA” markalı avtomobilin sürücüsü dayanma-durma qaydasını pozub. Belə ki, o, maşını avtobus dayanacağının qarşısında park edərək ərazidən uzaqlaşıb. Nəticədə sürücülər avtobusu dayancaqdan kənarda saxlayaraq  sərnişin mindirib-düşürüblər. İzləyicinin sözlərinə görə, qayda pozan sürücü ərazidən kənarlaşmamışdan öncə maşının yan güzgülərini bağlamağı da unutmayıb.

Qeyd edək ki, qanunvericiliyə əsasən sürücülər avtomobillərini avtobus dayanacağından 15 metr kənarda saxlaya bilərlər. 

Nərmin