Maşını günlərdir yaşayış kompleksinin girişində saxlayır - Sakinlər ŞiKAYƏTÇİDİR - FOTO

Paytaxtın Nərimanov rayonu, Mirzəbala Məmmədzadə və Nazim Hacıyev küçələrinin kəsişməsində dayanma-durma qaydasını pozan sürücü görüntülənib.

Bu barədə izləyicilərdən biri Avtosfer.az-ın “Whatsapp” ünvanına fotoşəkillər göndərib. Belə ki, 10-UD-676 dövlət nömrə nişanlı “Mercedes” markalı avtomobilin sürücüsü nəqliyyat vasitəsini sözügedən ərazidəki yaşayış kompleksinin girişində - şlaqbaumun önündə park edib. Nəticədə o, bina sakinlərinin həyətə giriş-çıxışını məhdudlaşdırıb. İzləyicinin iddiasına görə, sözügedən sürücü şikayətlərə əhəmiyyət vermədən avtomobili artıq neçə gündür ki, eyni yerdə saxlayır.

Nərmin