Maşını ötmək üçün qoşa xətti tapdalayıb əks yola çıxdı, ardınca.. - 10-DS-600 - VİDEO

Paytaxtın Yasamal rayonu, Abbasqulu Ağa Bakıxanov küçəsində kobud qayda pozan sürücü görüntülənib.

Bu barədə izləyicilərdən biri Avtosfer.az-ın “Whatsapp” ünvanına videomaterial göndərib. Hadisə mayın 7-də saat 14:54 radələrində qeydə alınıb. Belə ki, hərəkətdə olan 10-DS-600 dövlət nömrə nişanlı “BMW” markalı avtomobilin sürücüsü qoşa xəttin tələbini pozub və əks istiqamətli yola çıxıb. Şahidin iddiasına görə, sözügedən sürücü önündəki maşını ötmək üçün əks istiqamətli yola keçib. Xoşbəxtlikdən hadisə vaxtı qarşı tərəfdən maşın gəlməyib. Daha sonra o, yenidən öz zolağına qayıdıb. 

Xatırladaq ki, bu qayda pozuntusu İnzibati Xətalar Məcəlləsinin 327.4-cü maddəsilə 4 bal 150 manat cəriməylə nəticələnir.

Bakı Şəhər DYP İdarəsinin bölməs rəisi, polis kapitanı Toğrul Nəsirli Avtosfer.az-a bildirdi ki, sürücü barasində qanunamüvafiq tədbir görülüb.

Nərmin