Maşını yolun ortasında park edib hərəkəti məhdudlaşdıran sürücü CƏRİMƏLƏNDİ - VİDEO

Paytaxtın Yasamal rayonu, İ.Talıblı küçəsində yol hərəkəti qaydalarını pozan sürücü müəyyən olunub.

Avtosferşaz-ın məlumatına görə, 77-QV-751 dövlət nömrə nişanlı “Toyota” markalı avtomobilin sürücüsü İdris Əsgərov polis əməkdaşları tərəfindən aşkar edilib. Onun barəsində İnzibati Xətalar Məcəlləsinin dayanma və ya durma qaydalarının pozulması maddəsi ilə protokol tərtib olunub.

*** 17:00, 25 avqust

Paytaxtın Yasamal rayonu, İsmayıl Talıblı küçəsində dayanma-durma qaydasını pozan sürücü avtomobillərin hərəkətinə əngəl törədib.

Bu barədə izləyicilərdən biri Avtosfer.az-ın “İnstagram” ünvanına videomaterial göndərib. Xoşagəlməz hadisə avqustun 22-də saat 17:00 radələrində qeydə alınıb. Videodan da aydın olduğu kimi, 77-QV-751 dövlət nömrə nişanlı “Toyota” markalı avtomobilin sürücüsü maşını yolun ortasında saxlayaraq hərəkəti məhdudlaşdırıb. Yaşayış zonasına daxil olan sürücü yolun bağlı olduğunu görərək qayda pozan şəxsə xəbərdarlıq məqsədilə dəfələrlə siqnal verib. Lakin izləyici bildirib ki, sürücü avtomobilin qapılarını kilidləyərək evinə getdiyi üçün onun xəbərdarlıq cəhdləri nəticəsiz qalıb. Sonda o, maşını arxa-arxaya sürərək yol kənarında park edib. 

Nərmin