Maşının damına sayrışan işıq quraşdırıb prospekt boyu “şou” göstərdi - 77-MZ-506 - VİDEO

Paytaxtın Ziya Bünyadov prospektində qaydaları kobu şəkildə pozan sürücünün videosu sosial şəbəkədə paylaşılıb.

Avtosfer.az-ın məlumatına görə, 77-MZ-506 dövlət nömrə nişanlı “Chevrolet Malibu” markalı avtomobilin sürücüsü maşının damına operativ nəqliyyat vasitələri üçün nəzərdə tutulmuş göy və qırmızı sayrışan işıq siqnalları quraşdırıb. Eyni zamanda “şou” göstərmək üçün sürücü qoşa xəttin tələbini pozaraq əks istiqamətli yola çıxıb.

Xatırladaq ki, İnzibati Xətalar Məcəlləsinin 342.9-cu maddəsinə əsasən, nəqliyyat vasitələrinin müvafiq icazə olmadan xüsusi (çox avazlı) səs və ya sayrışan işıq siqnalları ilə təchiz edilməsinə görə 500 manatdan 800 manatadək məbləğdə cərimə nəzərdə tutulur.

Nərmin