Maşının işığını yolboyu yandırıb-söndürərək digər sürücüləri narahat etdi - VİDEO

Paytaxtın Bibiheybət yolunda yol hərəkəti qaydalarını pozan sürücü kameraya düşüb.

İzləyicilərdən biri Avtosfer.az-ın “Whatsapp” ünvanına videomaterial göndərərək məlumat verib.

Hadisə ötən ilin dekabr ayının 19-da, saat 20:55 radələrində qeydə alınıb. Kadrlardan göründüyü kimi, 77-VJ-207 dövlət nömrə nişanlı “GAC” markalı avtomobilin sürücüsü yol boyu digər nəqliyyat vasitələrinə təhlükə yaradıb.

Videodan görünür ki, o, avtomobilin işığını yolboyu yandırıb-söndürməklə önündəki maşını narahat edib. Ardınca qırmızı işıqda dayananda da eyni davranışı göstərərək sürücünün fikrini yayındırıb.

Daha sonra sol zolağa keçərək önündəki digər avtomobilə qarşı eyni hərəkəti təkrarlayıb.

Qeyd edək ki, belə davranışlar həm sürücünün özünü, həm də ətrafdakı digər nəqliyyat vasitələrini ciddi risk altında qoyur və yol hərəkəti qaydalarının pozulması kimi qiymətləndirilir.

Nərmin