Nə işıqlandırma var, nə də nişanlar: Sürücülər bu yolda qəzaya düşür - VİDEO - FOTO

Bakıda sürücülərdən biri düşdüyü təhlükəli vəziyyətin videosunu sosial şəbəkə hesabında paylaşıb. Avtosfer.az xəbər verir ki, görüntünün "Sea Breeze" yolunda qeydə alındığı bildirilir. Belə ki, yolun sol hərəkət hissəsində təmir getdiyi üçün sağ hərəkət hissəsini müvəqqəti olaraq ikitərəfli ediblər. Lakin yolda işıqlandırma və işıqqaytarıcı elementləri olan yol nişanları olmadığı üçün sürücülər təhlükə ilə üz-üzə qalırlar. Qeydə alınmış videodan da aydın şəkildə görünür ki, sürücü beton səddi son anda görərək sağa manevr edir. Xoşbəxtlikdən sağ zolaq boş olduğu üçün sürücü hadisədən qəzasız yayına bilib.

Videonu izləyən sürücülərdən biri həmin yerdə qəzaya düşdüyünü bildirib.

Sözügedən videonu təqdim edirik.

Fərid