Necə gəldi əks yola çıxan təlim maşını az qala qəza törədəcəkdi - VİDEO

Paytaxtın Qafur Murad küçəsində yol hərəkəti qaydasını kobud şəkildə pozan sürücü kameraya düşüb.

Bu barədə izləyicilərdən biri Avtosfer.az-ın “Whatsapp” xəttinə video göndərərək məlumat verib. Hadisə sentyabrın 5-də saat 10:48 radələrində qeydə alınıb.

Kadrlardan göründüyü kimi, yolayrıcına daxil olan    “Renault” markalı avtomobilin sürücüsü sağa döndükdən dərhal sonra əks istiqamətli yola çıxıb. Bu zaman həmin istiqamətdə hərəkətdə olan “Leapmotor” markalı avtomobilin qarşısına çıxaraq qəza şəraiti yaradıb.

Ardınca sürücü arxadan gələn avtomobil üçün də təhlükəli vəziyyət yaradıb. Xoşbəxtlikdən həmin maşının sürücüsü vaxtında dayanaraq toqquşmanın qarşısını alıb.

İzləyicinin iddiasına görə, hadisə zamanı təlimçi yan oturacaqda olub, avtomobili isə onun tələbəsi idarə edib.

Qeyd edək ki, “Yol hərəkəti haqqında” Qanunun tələblərinə əsasən, sürücü manevr edərkən digər hərəkət iştirakçıları üçün təhlükə və maneə yaratmamalıdır.

Nərmin