“Niva”nın qabağını göyə qaldıran sürücü işıqlarını söndürüb əks yola çıxdı - VİDEO

Xırdalan şəhərində yol hərəkəti qaydalarını kobud şəkildə pozan sürücü özünü videoya çəkərək “TikTok” sosial platformasında paylaşıb.

Avtosfer.az-ın məlumatına görə, 90-PR-085 dövlət nömrə nişanlı “VAZ-2121” (Niva) markalı avtomobilin sürücüsü günün qaranlıq saatında maşının işıq cihazları sönülü vəziyyətdə əks istiqamətli yola çıxıb və bu vaxt qarşıdan gələn nəqliyyat vasitəsinə təhlükə yaradıb. Kadrlarda sürücünün avtomobilin işıq cihazlarına müdaxilə etdiyi və şüşələrinə qara örtük çəkdiyi aydın şəkildə əks olunub. Eyni zamanda o, maşının konstruksiyasına müdaxilə edərək arxa yaylarını kəsib və ön hissəsini qaldırıb.

Digər görüntüdə qayda pozan sürücü bütöv xəttin tələbini pozaraq yenidən əks yolla hərəkət edib və öndən gələn avtomobilə qəza şəraiti yaradıb. 

Nərmin