"Öz yazdığı" qaydalarla hərəkət edən sürücüdən təhlükə: Nə sürəti artırdı, nə sağa keçdi - VİDEO

Bakıda yol hərəkəti qaydasını pozan sürücü təhlükəli anlar yaşadıb. Avtosfer.az xəbər verir ki, hadisə oktyabrın 31-də, Avtomobil bazarının yaxınlığında qeydə alınıb. Belə ki, 90-CM-414 qeydiyyat nişanlı "Mercedes" markalı avtomobilin sürücüsü ikinci dərəcəli yoldan hərəkətə başlayan zaman baş yolda olan avtomobilə əhəmiyyət verməyib. Bu azmış kimi o, nə sürətini artırıb, nə də sağ zolağa keçib. Baş yola çıxan zaman sol zolağa keçərək asta sürətlə hərəkət edib. Bu zaman görüntünü qeydə alan avtomobilin qarşısına çıxaraq ona təhlükəli anlar yaşadıb.

Fərid