Özünə yer tapa bilməyən sürücü dəfələrlə kobud qayda pozdu - VİDEO

Bakıda yol hərəkəti qaydasını dəfələrlə pozan sürücünün videosu kameraya düşüb. Avtosfer.az xəbər verir ki, hadisə iyunun 5-də, paytaxtın Mikayıl Hüseynov küçəsində qeydə alınıb. Belə ki, 90-OE-568 qeydiyyat nişanlı "Azsamand" markalı avtomobilin sürücüsü dönmə işığını yandırmadan öncə sola dönüb, sonra isə fikrini dəyişərək yoluna qayıdıb. Sonra yenidən dönmə işığını yandırmadan parklanma yerinə daxil olur və dərhal da tərk edir. Bir az irəlilədikdən sonra yenidən dönmə işığını yandırmadan sağdakı parklanma yerinə daxil olur. Lakin buna da qane olmayan sürücü növbəti dəfə qayda pozaraq yolun sol tərəfinə keçib.

Fərid