Özünə yer tapmayan sürücü ard-arda qəza şəraiti yaratdı - VİDEO

Paytaxtın Heydər Əliyev prospektində (“Koroğlu” metrosunun qarşısında) qayda pozan sürücü görüntülənib.

Avtosfer.az-ın məlumatına görə, hadisə yanvarın 11-də saat 16:26 radələrində qeydə alınıb.

Videodan göründüyü kimi, 99-TJ-713 dövlət nömrə nişanlı “Hyundai” markalı avtomobilin sürücüsü manevr qaydasını pozub. Belə ki, o, sağ zolaqda hərəkət edən digər avtomobilə diqqət yetirmədən həmin zolağa daxil olub və nəticədə videonu qeydə alan sürücüyə təhlükə yaradıb. Daha sonra sürücü yenidən sağa keçərək ikinci dəfə qəza şəraiti yaradıb.

Qeyd edək ki, “Yol hərəkəti haqqında” qanuna əsasən, hər bir sürücü zolaq dəyişərkən və manevr edərkən digər nəqliyyat vasitələrinə üstünlük verməli və qəza riskini artıracaq hərəkətlərdən çəkinməlidir.

Nərmin