Parkinqdə iki avtomobilin yerini zəbt edən sürücü – 10-XE-505 - FOTO

Paytaxtın Nərimanov rayonu, Möhsün Sənani küçəsində qayda pozan sürücü kameraya düşüb.

Bu barədə izləyicilərdən biri Avtosfer.az-ın “İnstagram” ünvanına fotoşəkillər göndərib. Belə ki, 10-XE-505 dövlət nömrə nişanlı “Hyundai” markalı avtomobilin sürücüsü parklanma qaydasını pozub. Sürücü nəqliyyat vasitəsini parklanma yerində dayanma-durma qaydalarına uyğun olmayan formada saxlayaraq iki avtomobilin yerini zəbt edib və digər hərəkət iştirakçıları üçün əngəl yaradıb. Şikayətçinin iddiasına görə, sürücü hadisə yerində olmayıb və avtomobil uzun müddət eyni ərazidə qalıb.

Qeyd edək ki, parklanma üsulunun pozulması yalnız digər sürücülərə mane olmaqla kifayətlənmir, həm də yol hərəkətinin təhlükəsizliyini təhlükə altına qoyur. Nəqliyyat vasitəsini müvafiq parklanma qaydalarına uyğun saxlamaq hər bir sürücünün məsuliyyətidir.

Nərmin