Parklanma qaydasını pozan sürücü iki maşınlıq yeri zəbt etdi - 90-KZ-193 - FOTO

Paytaxtın Nəsimi rayonu, Zaur Nudirəliyev küçəsində qayda pozan sürücü görüntülənib.

Bu barədə izləyicilərdən biri Avtosfer.az-ın “Whatsapp” ünvanına fotoşəkil göndərərək məlumat verib. Fotodan görünür ki, 90-KZ-193 dövlət nömrə nişanlı “Volkswagen” markalı avtomobilin sürücüsü parklanma qaydalarını pozub. Belə ki, o, nəqliyyat vasitəsini dayanma-durma tələblərinə uyğun olmayan şəkildə saxlayaraq iki maşınlıq yeri zəbt edib. Şikayətçi ödənişini edib avtomobilini park etmək üçün əraziyə yaxınlaşanda bu vəziyyətlə qarşılaşıb.

Qeyd edək ki, parklanma yerlərinin düzgün istifadə olunmaması digər sürücülərin hüquqlarını pozur və ərazidə süni sıxlıq yaradır. Parklanma nişan və xətlərinə əməl etmək isə həm nizamı qoruyur, həm də hər kəsin eyni hüquq və imkanlardan istifadə etməsinə şərait yaradır.

Nərmin