Piyada keçidinin üstündə maşını saxlayıb yük boşaldan sürücü - 90-NO-176 - FOTO

Sürücülərin yol hərəkəti qaydalarını pozmaları həm digər nəqliyyat vasitəsi idarəçilərinin, həm də piyadaların hərəkətinə mane olur.

Avtosfer.az xəbər verir ki, bu hal paytaxtın Yasamal rayonunda daha çox müşahidə edilir. Bu rayonda sanki sürücülər qaydaları ümumiyyətlə tanımır və onlara riayət etmək niyəti yoxdur. Bu dəfə də Yasamal rayonu Şəfayət Mehdiyev küçəsində 90-NO-176 nömrə nişanlı “Mercedes” markalı avtomobilin sürücüsü maşını piyada keçidinin üstündə saxlayıb yük boşaldıb. Bununla yol keçməyə çalışan piyadaların digər sürücülər tərəfindən görünməsinə mane olub. Vətəndaşlar sürücünün bu davranışından narazılıq bildirib və avtomobilin fotosunu sosial şəbəkələrdə paylaşıb.

Qeyd edək ki, bu cür qayda pozan sürücülər İnzibati Xətalar Məcəlləsinin tələblərinə əsasən cərimə edilə bilərlər.

Səfər