Prospektdə qayda pozan “Prius” və ondan geri qalmayan motosiklet toqquşdu - ANBAAN VİDEO

Paytaxtın Babək prospektində baş vermiş yol-nəqliyyat hadisəsi kameraya düşüb.

Avtosfer.az-ın məlumatına görə, insident bir müddət əvvəl səhər saatlarında qeydə alınıb. Hərəkətdə olan 90-OT-247 dövlət nömrə nişanlı “Toyota Prius” avtomobili motosikletlə toqquşub. Kadrdan görünür ki, “Prius”un sürücüsü sağ zolağa nəzarətsiz manevr edib və həmin zolaqda hərəkət edən motosikletə çırpılıb. Zərbənin təsirindən moto sürücü idarəetməni itirərək yerə yıxılıb. Xoşbəxtlikdən o, xəsarət almayıb.
Kameralardan həmçinin motosikletçinin də qayda pozduğu – avtobus zolağında hərəkət etdiyi aydın görünür.

Qəza sonrası sürücülər arasında qısa dialoq yaranıb və motosikletçi “Prius” sürücüsünə zolağa baxmadan dönməsi ilə bağlı irad bildirib.

Nərmin