Prospektdə təhlükə yaradan sürücü əl-qolla özünə haqq qazandırdı: “Yaxşı edirəm” - VİDEO

Paytaxtın Babək prospektində qayda pozan sürücü avtomobilin videoregistratoruna düşüb.

Avtosfer.az-ın məlumatına görə, hadisə bir neçə gün öncə günorta saatlarında qeydə alınıb. Kadrdan da göründüyü kimi, 99-TY-843 dövlət nömrə nişanlı “Toyota” markalı avtomobilin sürücüsü manevr qaydasını pozub. Belə ki, geriyə manevr edən sürücü sola dönən zaman bütöv xəttin tələbini pozub və sağ zolağa keçib. Bu vaxt o, görüntünü qeydə alan sürücüyə qəza şəraiti yaradıb.

Qeyd edək ki, təhlükəylə üzləşən sürücü hadisənin görüntüsünü sosial şəbəkə hesabında paylaşıb. O, siqnal verərək iradını bildirdiyini, lakin qayda pozan sürücünün əl-qol hərəkətləriylə “Mənə maşın sürməyi öyrədəcəksən? Keç yanımdan get. Yaxşı edirəm”, - deyə cavab verdiyini videonun açıqlama bölməsində yazıb.

Nərmin