Qayda pozub avtobuslara çətinlik yaradan sürücülər - 99-RT-222 və 90-VA-109 - VİDEO

Paytaxtda qayda pozan sürücülər avtobusların hərəkətinə əngəl törədiblər. 

Bu barədə izləyici Avtosfer.az-a foto və videomaterial göndərib. Binəqədi rayonu Süleyman Sani Axundov küçəsində qeydə alınmış görüntüdə 99-RT-222 dövlət nömrə nişanlı “Range Rover” markalı avtomobilin sürücüsü dayanma-durma qaydasını pozub. Belə ki, o, maşınını avtobus dayanacağında saxlayaraq ictimai nəqliyyat vasitələrinin dayanacağa daxil olmasına maneə olub. Şikayətçinin sözlərinə görə, sözügedən dayanacaq sürücülərin parkinq zonasına çevrilib.

Azadlıq prospektində çəkilmiş videoda isə 90-VA-109 dövlət nömrə nişanlı “Hyundai” markalı avtomobilin sürücüsü avtobus zolağını zəbt edib. Şikayətçinin iddiasına əsasən, xanım sürücü zolağı tərk etməsi üçün ona əliylə işarə edən sürücüyə yaxınlaşaraq nalayiq ifadələr işlədib. 

Nərmin