Qırıq xətdə zolağını dəyişən sürücüyə cərimə yazıldı - MÜƏMMALI PROTOKOL - FOTO

Qayda pozmadığını iddia edən sürücü kamera vasitəsilə məsuliyyətə cəlb edilib. Avtosfer.az xəbər verir ki, hadisə Şamaxı şəhəri, Əzizbəyov küçəsində qeydə alınıb. Belə ki, Hüseyn Qəribov adlı sürücü idarə etdiyi 99-RY-512 qeydiyyat nişanlı "Chevrolet" markalı avtomobillə hərəkətdə olarkən qırıq-qırıq xətdə əks zolağa çıxıb. Sürücü bildirir ki, sağ zolaq yararsız vəziyyətdə olduğundan, manevrə icazə verilən yerdə heç kəsə mane olmadan qısa müddətlik qarşı zolağa çıxaraq hərəkətini davam etdirib və dərhal öz zolağına qayıdıb. Buna baxmayaraq, onun barəsində İnzibati Xətalar Məcəlləsinin 327.1-ci maddəsilə 40 manat məbləğində cərimə tətbiq olunub.

Sürücü həmin cərimənin düzgün olmadığını, bu səbəbdən silinməsini xahiş edir.

Fərid