Qırmızıda keçməyə vərdiş edən sürücü əks yola çıxıb ötüb getdi - VİDEO

Paytaxtın Binəqədi rayonunda qaydalara əməl etməyən sürücü kameraya düşüb. Avtosfer.az xəbər verir ki, hadisə avqustun 29-da, Biləcəri qəsəbəsi, Xurşidbanu Natəvan küçəsində qeydə alınıb. Belə ki, 99-BF-756 qeydiyyat nişanlı "Renault" markalı avtomobilin sürücüsü svetoforda dayanmamaq üçün əks yola çıxıb. O, daha sonra qırmızı işıqda hərəkət edərək yoluna davam edib.

Qeyd edək ki, piyadalara məxsus bu svetoforda sürücülər qırmızı işıqda keçməyi adət ediblər. Onlar məsuliyyətə cəlb edilmədikləri üçün vəziyyətdən sui-istifadə etməyə çalışırlar.

Fərid