Sağ zolaqdakı avtomobili görməzdən gələn sürücü qəza riski yaratdı - VİDEO

Paytaxtın Böyükşor gölü yaxınlığında qayda pozan sürücünün hərəkətləri videoregistrator tərəfindən qeydə alınıb.

Avtosfer.az-ın məlumatına görə, hadisə noyabrın 29-da saat 21:26 radələrində baş verib. Belə ki, 77-YX-644 dövlət nömrə nişanlı “Chevrolet Cobalt” markalı avtomobilin sürücüsü manevr qaydasını pozaraq qəfil sağa dönüb və bu zaman görüntünü qeydə alan sürücüyə qəza şəraiti yaradıb. Özünə yer tapa bilməyən sürücü sağ zolağa tam keçmədən — iki zolağın ortası ilə hərəkətinə davam edib.

Qeyd edək ki, belə manevrlər yol hərəkəti qaydalarına ziddir. Zolaq dəyişdirərkən yalnız hərəkət üçün boş zolaq olduqda, manevr tam həyata keçirilməli və digər sürücülərə təhlükə yaradılmamalıdır.

Nərmin