Sağdan yol kəsən sürücü qəza şəraiti yaratdı - 10-TT-331 - VİDEO

Paytaxtın Nərimanov rayonunda qayda pozan sürücü kameraya düşüb.

Avtosfer.az-ın məlumatına görə, hadisə dekabrın 17-də saat 20:21 radələrində Əhməd Rəcəbli küçəsində qeydə alınıb.

Belə ki, 10-TT-331 dövlət nömrə nişanlı “Mercedes” markalı avtomobilin sürücüsü həm manevr, həm də zolaqdan istifadə qaydalarını pozub. Kadrlardan göründüyü kimi, sürücü sağdan — Azparking üçün ayrılmış zolaqdan hərəkət edərək görüntünü qeydə alan avtomobilin qəfil yoluna çıxıb və təhlükəli manevr edərək qəza şəraiti yaradıb.

Qeyd edək ki, yol hərəkəti qaydalarına əsasən, sürücü manevr zamanı digər nəqliyyat vasitələrinə mane olmamalı və təhlükəsizliyi təmin etməlidir. Həmçinin dayanma və parklanma üçün nəzərdə tutulmuş zolaqlardan hərəkət məqsədilə istifadə etmək qadağandır. Bu cür qayda pozuntuları yol-nəqliyyat hadisələrinin baş vermə riskini əhəmiyyətli dərəcədə artırır.

Nərmin