Şəhərin mərkəzində avtobusu öz “qayda”ları ilə sürüb yolu kəsdi - 77-JA-958 - VİDEO

Paytaxtın Səbail rayonunda qayda pozan avtobus sürücüsü avtomobilin kamerasına düşüb.

Avtosfer.az-ın məlumatına görə, hadisə yanvarın 14-də saat 18:28 radələrində Zərifə Əliyeva küçəsində qeydə alınıb.

Belə ki, 10 nömrəli mütəzəm marşrut xətti üzrə hərəkət edən, 77-JA-958 dövlət nömrə nişanlı “BMC” markalı avtobusun sürücüsü nəqliyyat vasitəsini dayanacaqdan kənarda - hərəkət zolağında saxlayaraq sərnişinlərin minib-düşməsinə şərait yaradıb. Bu səbəbdən arxadan gələn avtomobillərin hərəkətinə maneə yaranıb.

Daha sonra hərəkətə başlayan sürücü avtobuslar üçün nəzərdə tutulmuş xüsusi zolaqdan istifadə etməyib. Bir müddət sonra həmin zolağa keçsə də, avtobusu tam şəkildə zolaqda saxlamayıb və iki zolağın ortası ilə hərəkət edib.

Nərmin