Şəhərin mərkəzində necə gəldi park edilən iki “Hyundai” hərəkəti çətinləşdirdi - FOTO

Paytaxtın Səbail rayonu, Lev Tolstoy küçəsində dayanma və durma qaydalarını pozan sürücülər görüntülənib.

Avtosfer.az-ın məlumatına görə, xoşagəlməz mənzərə noyabrın 30-da saat 16:45 radələrində qeydə alınıb. Fotolardan göründüyü kimi, 10-LP-212 dövlət nömrə nişanlı “Hyundai” markalı və 77-HE-862 dövlət nömrə nişanlı “Hyundai” markalı avtomobillər döngədə, üstəlik piyada keçidinin yanında park edilib. Nəticədə ərazidən keçən piyadalar və sürücülər çətinlik çəkiblər.

Xatırladaq ki, qanunveriliciyə əsasən, piyada keçidlərindən əvvəl 5 metrlik məsafədə avtomobil saxlamaq qadağandır. Eyni zamanda döngələrdə dayanma və durma mümkün deyil, çünki sürücülərin görüş məsafəsini məhdudlaşdırır və qəfil toqquşma ehtimalını artırır.  Bu hal ərazidə hərəkətin sıxlaşmasına, nəqliyyat axınının pozulmasına gətirib çıxarır. 

Nərmin