Səkidə maşın saxlayan sürücüyə görə qadın uşaq arabası ilə avtobus zolağına çıxır - FOTO

Sürücülərin yol verdiyi qayda pozuntuları səbəbindən vaxtaşırı həm digər nəqliyyat vasitəsi idarəçilərinin, həm də piyadaların çətinlik çəkdiyinin vaxtaşırı şahidi oluruq.

Avtosfer.az xəbər verir ki, bənzər vəziyyət artıq Ziya Bünyadov prospektində də yaşanmağa başlayıb. Belə ki, prospektin Nərimanov rayonu ərazisindən keçən hissəsində sürücü avtomobili avtobus zolağında saxlaya bilməyəcəyindən əmin olub və çıxış yolunu səkidə saxlamaqda görüb. 99-QL-249 dövlət nömrə nişanlı “Changan” markalı maşını səkidə saxlayan sürücüyə görə qadınlar uşaq arabaları ilə avtobus zolağında hərəkət etməli olub.

Sürücünün “5 dəqiqəlik marketə dəyib gəlməsi” hərəkətin digar iştirakçıları, piyadalar üçün xüsusi çətinlik yaradıb. Vətəndaşlar aidiyyəti qurumların bu cür problemləri nəzarətə götürməsini və həll etməsini tələb edir.

Səfər