“Sovetski”də maşını arxa-arxaya sürən sürücü görüntüləndi - VİDEO

Paytaxtın Yasamal rayonunda qayda pozan sürücü kameraya düşüb.
Avtosfer.az xəbər verir ki, hadisə martın 14-də səhər saatlarında Nəriman Nərimanov prospektində qeydə alınıb. Belə ki, hərəkətdə olan 90-NA-296 dövlət nömrə nişanlı “Mercedes” markalı avtomobilin sürücüsü maşını arxa-arxaya sürüb. Hadisə şahidinin iddiasına görə, qayda pozan sürücü yol boyu geriyə hərəkət manevri edib. Xoşbəxtlikdən yolda sıxlıq olmayıb və qəza baş verməyib.
Qeyd edək ki, bu qayda pozuntusu İnzibati Xətalar Məcəlləsinin 327.1-ci maddəsinə əsasən, 40 manat cərimə ödəyə bilər. 

Nərmin