Sürücü şirkət maşınını “zebra”nın üstündə park edib ərazidən uzaqlaşdı - FOTO

Bəzi hallarda sürücülər park etmə qaydalarına məhəl qoymadan, özlərinə rahat olan şəkildə avtomobillərini saxlayırlar. Bu cür hallarda nəinki digər sürücülərin hərəkətinə, həm də piyadaların təhlükəsizliyinə maneə yaranır. Son illərdə bu kimi qayda pozuntuları ictimai qınaq və sosial şəbəkələrdə paylaşmaq yolu ilə daha tez ifşa olunur. Bu da müəyyən mənada sürücülərin daha məsuliyyətli davranmasına səbəb olsa da, hələ də qaydalara əməl etməyənlər tapılır.

Avtosfer.az xəbər verir ki, Bakının Yasamal rayonunda bu cür hallar vaxtaşırı təkrarlanır.

Belə ki, rayonun Bəsti Səfərova küçəsində “CleanArt” təmizləmə şirkətinə məxsus 10-DD-402 dövlət qeydiyyat nişanlı "Ford" markalı avtomobil piyada keçidinin üstündə park edilib.

Qeyd edək ki, qaydaları bu cür pozan sürücülər Azərbaycan Respublikası İnzibati Xətalar Məcəlləsinin 346.1-ci maddəsi ilə 40 manat məbləğində cərimə edilir.

Fidan