Sürücü yolda qorxulu anlar yaşatdı: Göz görə-görə ölümə sürdü - VİDEO - YENİLƏNİB

Bakının Qaradağ rayonunda, Lökbatan-Qobu yolunda avtomobili ilə təhlükəli manevr edən sürücü barədə qanuna müvafiq tədbir görüləcək.

Avtosfer.az xəbər verir ki, bu barədə oxu.az-a Baş Dövlət Yol Polisi İdarəsinin baş inspektoru Elvin Hacıyev məlumat verib.

O bildirib ki, BDYPİ tərəfindən sözügedən məsələ araşdırılır, sürücü barəsində qanuna müvafiq tədbir görüləcək.

***09:30

Ötmə qaydasını pozan sürücü ağlasığmaz hərəkət edib. Avtosfer.az xəbər verir ki, 99-ML-506 qeydiyyat nişanlı "Ford" markalı yük avtomobilinin sürücüsü əks istiqamətli hərəkət zolağına çıxaraq ötmə edib. O, qarşıdan avtobus və digər nəqliyyat vasitələrinin gəldiyini görsə də, onların üzərinə sürüb. Qəzanın baş verəcəyini görən sürücülər mümkün qədər sağa manevr edərək təhlükədən yan keçməyə çalışıblar. Qaydaları pozan sürücü isə vecsiz şəkildə gəldiyi sürətlə yoluna davam edib.

Ümid edirik ki, Dövlət Yol Polisi həmin sürücü barəsində ciddi tədbirlər görülməsi istiqamətində addımlar atacaq.

Fərid